You are here: Home

Валютын ханш (ХААН Банк)

Цаг агаарын мэдээ

ЗДТГазар

7043-1111

МОНГОЛ БАРАА

Хөшөөтийн нүүрсний үнийг буулгана
Бичсэн admin1   
2016 оны 9-р сарын 28, Лхагва гариг, 08:04

2016-2017 оны өвөлжилтийн бэлтгэл ажлыг хангах талаар аймгийн Засаг даргын захирамж гарч ажлын хэсгүүд байгуулагдан, түлээ нүүрс бэлтгэх, нөөцлөхөд анхааран ажиллаж байна. Энэ хүрээнд аймгийн Нийгмийн бодлого хариуцан Засаг даргын орлогч Ч.Уранчимэг МоЭнКо компанитай нүүрсний үнийг бууруулах талаар уулзаж санал солилцлоо. Энэ өвөл манай аймаг 80.000 тн нүүрс хэрэглэх урьдчилсан тооцойтой байна. Нүүрс нийлүүлэхдээ нүүрсний чанар үнийг тогтвортой байлгахад анхаарч байгаа юм. Манай аймгийн айл өрхүүдийн хэрэгцээний нүүрсийг хөрш аймгуудын Хотгор, Тарвагтайн нүүрсний уурхайгаас авахдаа нэг тн-ыг нь 20000 төгрөгөөр авдаг. Тэгвэл Хөшөөтөөс нэг тн-ыг нь 40.000 төгрөгөөр авч байсан бол энэ жилээс нүүүрсний үнийг бууруулж айл өрхүүдэд нэг тонныг нь 20000 төгрөг албан байгууллагад 40000 төгрөгөөр тооцоолж олгохоор хэлэлцэж байна. МоЭнКо компаний удирдлагуудын хувьд нүүрсний үнийг бууруулах тал дээр анхаарч, яаралтай шийдвэр гарган, орон нутагт албан ёсны хариулт өгөхөөр болжээ.

 

 
Хадлан тэжээл бэлтгэх ажил 60 гаруй хувьтай байна
2016 оны 9-р сарын 20, Мягмар гариг, 05:44

Мал аж ахуйн өвөлжилт, хаваржилтын бэлтгэл ажлыг хангах, хадлан тэжээл бэлтгэх ажлыг эрчимжүүлэх зорилгоор аймгийн Засаг даргын 2016 оны 7-р сарын 27-ны өдрийн 05 тоот албан даалгавар гарч, үүний дагуу аймгийн ХХААГ-аас мал аж ахуйн өвөлжилтийн бэлтгэл хангах ажлыг эрчимтэй зохион байгуулж байна. Ховд аймаг энэ жил 60400 тн байгалийн хадлан, 4000 тонн гар тэжээл, 6960 тонн хужир шүү бэлтгэх төлөвлөгөөтэй байгаа юм. Одоогийн байдлаар Ховд аймгийн 17 сумын хэмжээнд 37410 тонн байгалийн хадлан, 450 тонн гар тэжээл, 1775 тонн хужир шүүг бэлтгэж, хадлан тэжээлийн бэлтгэл ажил Ховд аймагт 60 гаруй хувьтай байна. 

 
Энэ 7 хоног болон 9-р сарын цаг агаарын урьдчилсан төлөв
2016 оны 9-р сарын 20, Мягмар гариг, 01:45

7 хоногийн төлөв

2016 оны 09 дүгээр сарын 19-нөөс 09 дүгээр сарын 26-ныг хүртэлх 7 хоногийн цаг агаарын урьдчилсан мэдээ

22-нд зарим газраар бага зэргийн хур тунадас орно. Салхи 22,24-нд зарим газраар 9-14м/с, Алтайн салбар уулсаар 16-18м/с хүрч ширүүснэ. Уулархаг нутгаар шөнөдөө 3 градус хүйтнээс 2 градус   дулаан, өдөртөө 14-19 градус бусад сумдын нутгаар шөнөдөө 6-11 градус, өдөртөө 19-24 градус дулаан байна. Хугацааны сүүлчээр нийт нутгаар сэрүүснэ

Сарын төлөв

2016 ОНЫ 09 САРЫН ЦАГ АГААРЫН УРЬДЧИЛСАН МЭДЭЭ

Агаарын температурын сарын дундаж нь Алтайн уулархаг нутгаар 4-9 градус, Алтайн өвөр говийн нутгаар 14-19 градус, бусад нутгаар 9-14 градус дулаан буюу олон жилийн дунджийн орчим байна


 
Мялзан төст өвчний тархалт, өвчлөл буурч байна.
2016 оны 9-р сарын 19, Даваа гариг, 07:56

Олон улсын хорио цээрийн ангилалд багтах бог малын мялзан төст өвчнийг бууруулах, түүний тархалтыг зогсоохын  тулд орон нутгаас яаралтай арга хэмжээ авч ажилласаны үр дүнд өвчний тархалт буурч байна. Тус өвчнөөр Ховд аймгийн 11 сумын 43 багийн 907 өрх буюу 110 голомтод 70825 мал өвчилсөн байна. Тэгвэл одоогийн байдлаар нийт өвчилсөн малын 54861 толгой нь эдгэрч, 4178 толгойд хүрч өвчний тархалт, өвчлөл буураад байна. Харин мал сүргийг вакцинжуулах ажлыг 10-р сарын 01-ээс эхлүүлэх бөгөөд нийт 3 сая 200 мянга гаруй малыг вакцинжуулалтанд хамруулна.

 
Засаг дарга Д.Галсандондог дулааны станцуудын өвөлжилтийн бэлтгэлтэй танилцав
2016 оны 9-р сарын 16, Баасан гариг, 03:10

Аймгийн төвийн өвөлжилтийн бэлтгэл хангах ажлын хүрээнд аймгийн Засаг дарга Д.Галсандондог, Засаг даргын орлогч Ш.Батсүх, Жаргалант сумын Засаг дарга Д.Баасандорж нар дулааны “Бадамлах дөл” ХХК-ний болон 2-р дулааны станцын үйл ажиллагаатай танилцав.
“Бадамлах дөл” ХХК-ийн хувьд өвөлжилтийн бэлтгэл ажил 70 орчим хувьтай явж байна. Энэ өвөл гурван зуухаар халаалт өгөх бөгөөд болзошгүй үед ажиллах дөрөв дэх зуухыг бэлэн болгожээ. Уг компани Тарвагатайгаас нүүрсээ татдаг ч төсөвт байгууллагуудын өр авлага их байгаагаас одоохондоо нүүрсээ нөөцлөж чадаагүй байна. Өвлийн турш 28000 тонн нүүрс хэрэглэдэг уг компани аймаг орон нутгийн удирдлагуудын зүгээс төсөвт байгууллагуудын өр авлагыг барагдуулах тал дээр анхаарахгүй бол нүүрс таталт оройтох хандлагатай байгааг сануулж байсан юм.

 

 
Дулааны алдагдал бууруулах төслийн хүрээнд засвар хийсэн 3-р цэцэрлэг нээлтээ хийв
2016 оны 9-р сарын 16, Баасан гариг, 02:54

Германы “Эрчим хүчний үр ашиг” төслийн хүрээнд дулааны алдагдал бууруулах засварыг зургадугаар сарын 25-наас есдүгээр сарын 15-ны хооронд хийсэн 3-р цэцэрлэг нээлтээ хийлээ. Уг нээлтийн үйл ажиллагаанд аймгийн Засаг дарга Д.Галсандондог, БСГ-ын дарга М.Пүрэвхүү, ИТХ-ын төлөөлөгч Б.Болорцэцэг, 3-р цэцэрлэгийн эрхлэгч Ц.Ганцэцэг, “Хатан түнгэл” ХХК-ийн захирал Д.Энхжаргал болон бусад холбогдох албаны хүмүүс оролцлоо.

 
Аймгийн удирдах ажилтнуудын шуурхай зөвлөгөөн болов
2016 оны 9-р сарын 16, Баасан гариг, 02:50

2016 оны 09 дүгээр сарын 15-ны өдөр аймгийн удирдах ажилтнуудын шуурхай зөвлөгөөн зохион байгуулж, аймгийн Засаг дарга Д.Галсандондог, Засаг даргын орлогч Ш.Батсүх, ЗДТГ-ын дарга Б.Ганболд, ХХААГ-ын дарга Т.Баатарзориг, ХЗХ-ийн дарга Б.Мөнхбат нар оролцож албан байгууллага, сургууль, цэцэрлэгүүдийн дарга, захирал, эрхлэгч нарт өвөлжилтийн бэлтгэл ажлыг хугацаанд нь сайтар хангах, бог малын халдварт мялзан төст өвчний хорио цээрийн дэглэмийг чанд сахих талаар мэдээлэл, үүрэг чиглэл өгөв.

 

 
Манай аймагт урьдчилсан байдлаар 3,2 сая мал өвөлжинө
2016 оны 9-р сарын 14, Лхагва гариг, 06:49

Хөдөө аж ахуйн өвөлжилтийн бэлтгэл хангах Засгийн газрын тогтоол, Хүнс, хөдөө аж ахуйн сайдын албан даалгаврыг хэрэгжүүлэх зорилгоор аймгийн Засаг дарга Д.Галсандондог захирамж гарган хэрэгжилтийг хангуулан ажиллаж байна.
2016-2017 оны өвөл, хаврын бэлчээрийн даацыг баг бүрийн бэлчээрийн ургац, малын тоо, бэлчээрийн талбайн хэмжээ, бэлчээр ашиглах хугацаа зэрэг мэдээлэл дээр үндэслэн багийн нутгаар тооцоолж гаргасан бөгөөд 8 дугаар сарын 20-ны байдлаар зуншлага нийт нутгийн 70 орчим хувьд сайн, 30 гаруй хувьд дунд зэрэг байгаа судалгаа гарчээ. Ирэх өвөл урьдчилсан байдлаар манай аймагт нийт 3,2 сая орчим мал өвөлжих урьдчилсан тооцоо гарч байна.

 

 
« ЭхлэхӨмнөх12345678910ДараахиТөгсгөл »

Хуудас 152-с 1
Find us on Facebook
Follow Us