You are here: Home

Валютын ханш (ХААН Банк)

Цаг агаарын мэдээ

ЗДТГазар

7043-1111

МОНГОЛ БАРАА

Аймгийн ИТХ-ын Анхдугаар хуралдаан боллоо
Бичсэн Admin   
2016 оны 7-р сарын 25, Даваа гариг, 03:36

10 хоног завсарласан аймгийн ИТХ-ын Анхдугаар хуралдаан хуралдаж, аймгийн Засаг даргад нэр дэвшүүлэх асуудлыг хэлэлцэн баталлаа.

Аймгийн Засаг даргад МАН-ын бүлгээс аймгийн МАН-ын дарга Д.Галсандондог, хуралдааны танхимаас Б.Амгаланбадрах нарыy нэр дэвшүүлэв. Нэр дэвшигчдийн намтарыг танилцуулан, саналыг нь сонссоны дараа санал хураалт явуулахад хуралдаанд оролцсон 41 Төлөөлөгчдийн 60,97 хувь буюу 25 Төлөөлөгч нь Д.Галсандондогийг дэмжиж Ховд аймгийн Засаг даргаар томилуулахаар Монгол Улсын Ерөнхий сайдад өргөн мэдүүллээ.

Ховд аймгийн МАН-ын дарга Д.Галсандондог нь 2000-2004 онд Ховд аймгийн Засаг даргаар ажиллаж байсан билээ.

 
Аймгийн баяр наадам ёслол төгөлдөр боллоо
Бичсэн Admin   
2016 оны 7-р сарын 19, Мягмар гариг, 02:01

Тулгар төрийн 2225, Их монгол улс байгуулагдсны 810 жил, Ардын хувьсгалын 95 жилийн ой, Аймгийн баяр наадам Ховд аймгийн төвд 7 дугаар сарын 18-19-нд ёслол төгөлдөр боллоо. Энэ жилийн баяр наадмаар Ховд аймагт аймгийн начин цолтон 4 төрсөн бол харцага ,заан, арслан төрөн гарч дэлгэр сайхан наадлаа.

Аймгийн баяр наадмын Үндэсний бөхийн барилдаанд Ховд аймгийн Мөст сумын харъяат, Ховд бөхийн дэвжээний бөх, МУ-ын заан Цэдэвийн Мягмарсүрэн, Ховд аймгийн Чандмань сумын харъяат, Ховд бөхийн дэвжээний бөх, МУ-ын заан Чогсомын Батзориг, Ховд аймгийн Чандмань сумын харъяат, Ховд бөхийн дэвжээний бөх, МУ-ын заан Баатархүүгийн Пүрэвсайхан, Чандмань сумын харъяат, Монгол улсын Харцага Нямаагийн Батзаяа, Зэрэг сумын харъяат, Монгол улсын Харцага Баярхүүгийн Бат-Өлзий нараар манлайлуулсан Улс, аймгийн алдар цолтой хүчит 256 бөх баяр хүч авхаалж самбаагаа сорин барилдсанаас

 
Ховд аймгийн баяр наадамд Завхан, Говь-Алтай зэрэг 3 аймгийн 19 сумын уяачид нас насны хурдан хүлгийнхээ тоосыг өргөж наадамчин олноо баясгалаа
Бичсэн Admin   
2016 оны 7-р сарын 19, Мягмар гариг, 01:34

Тулгар төрийн 2225, Их монгол улс байгуулагдсны 810 жил, Ардын хувьсгалын 95 жилийн ой, Аймгийн баяр наадмын Хурдан морьдын уралдааны дүн

Дааганы уралдаанд нийтдээ 65 хурдан даага уралдсанаас:

Түрүү магнай Ховд аймгийн Жаргалант сумын уяач Д.Баярболдын “Шаазгай алаг”

Аман хүзүү Ховд аймгийн Үенч сумын харьяат, Улсын Бүртгэлийн Хэлтсийн уяач Ц.Машбатын халзан

Айргийн гурваар Ховд аймгийн Мянгад сумын уяач Ж.Цэен-Ойдовын хүрэн

Айргийн дөрвөөр Ховд аймгийн Мянгад сумын уяач Б.Галбадрахын хонгор

Айргийн тав Говь-Алтай аймгийн Хөх морьт сумын уяач Д.Аварзэдийн хүрэн тус тус хурдалжээ.

Шүдлэн насны морьдын уралдаанд нийт 57 шүдлэн тоосоо өргөснөөс:

 
Монгол улсын Заан Б.Пүрэвсайхан, харцага Б.Бат-Өлзий нарт хүндэтгэл үзүүллээ
Бичсэн Admin   
2016 оны 7-р сарын 19, Мягмар гариг, 01:24

Тулгар төрийн 2225, Их Монгол улс байгуулагдсаны 810 жилийн ой, Ардын хувьсгалын 95 жилийн ойн Үндэсний их баяр наадмаар хурд хүчээр илүүрхэн, уран мэхийг уралдуулан барилдаж Монгол улсын Заан цол хүртсэн Чандмань сумын харьяат Баатархүүгийн Пүрэвсайхан, Монгол Улсын харцага цол хүртсэн Зэрэг сумын харьяат Баярхүүгийн Бат-Өлзий нар аймгийнхаа баяр наадамд зодоглолоо. Энэ үеэр аймаг орон нутгийнхаа нэр хүндийг өргөж яваа өсөх ирээдүйтэй бөхчүүддээ аймгийн удирдлагууд хүндэтгэл үзүүлж, Ховд аймгийн хүндэт тэмдэг, бэлэг дурсгалын зүйл гардуулсанаас гадна Улсын заан Б.Пүрэвсайханд 6,0 сая, Улсын харцага Б.Бат-Өлзийд 4,0 сая төгрөгийн “БАТЛАМЖ”-ийг наадамчдынхаа өмнө гардуулж амжилт хүслээ. Шагналыг аймгийн ИТХ-ын дарга Г.Пүрэвганди, аймгийн Засаг дарга Д.Цэвээнравдан нар гардууллаа.

 
МЭНДЧИЛГЭЭ
Бичсэн Admin   
2016 оны 7-р сарын 17, Ням гариг, 01:22

 
Ахмад уран бүтээлч Д.Дэлгэр “Радио телевизийн тэргүүний ажилтан” цол тэмдэгээр энгэрээ мялаалаа
Бичсэн Admin   
2016 оны 7-р сарын 17, Ням гариг, 01:18

Манай аймгийн ахмад уран бүтээлчдийн нэг бол Д.Дэлгэр юм. Тэрээр 50 гаруй жил сонин хэвлэл, радио телевизэд уран бүтээлээ нийтлүүлж, 10 гаруй бие даасан номоо гаргаж уншигч түмэндээ хүргэсэн байна. Ахмад уран бүтээлч Дамдингийн Дэлгэрийг МҮОНРТ-ийн тэргүүний ажилтан цол тэмдэгээр шагнагдсаныг АХ-ын 95 жилийн ой, Үндэсний их баяр наадмын босгон дээр аймгийн ЗДТГ-ын ХБХ-ийн дарга Б.Бат-Очир, НХХ-ийн ахлах мэргэжилтэн С.Дорж нар гардуулж баяр хүргэлээ.

 
Аймгийн ИТХ-ын Анхдугаар хуралдаан боллоо
Бичсэн Admin   
2016 оны 7-р сарын 16, Бямба гариг, 01:18

Аймгийн ИТХ-ын 2016-2020 оны бүрэн эрхийн хугацааны Анхдугаар хуралдаанаар:
- Аймгийн иргэдийн Төлөөлөгчдийн Хурлын 2016 оны Ээлжит сонгуулийн дүн, аймгийн ИТХ-ын Төлөөлөгчдийн бүрэн эрхийг зөвшөөрөх тухай илтгэл
- Зохион байгуулалтын асуудлуудыг хэлэлцэх юм. Анхдугаар хуралдааныг Алтай сумаас аймгийн ИТХ-д сонгогдсон, ахмад Төлөөлөгч Ш.Батсүх даргалан явууллаа. Мөн үеэр Аймгийн ИТХ-д сонгогдсон Төлөөлөгчдийн бүрэн эрхийг баталгаажуулж, Аймгийн ИТХ-ын даргад Жаргалант сумын Тахилт багаас нэр дэвшин аймгийн ИТХ-д сонгогдсон Гомбоогийн Пүрэвгандийг нэр дэвшүүлж хуралдаанд оролцсон 41 төлөөлөгчийн 100 хувийн саналаар Ховд аймгийн ИТХ-ын даргаар сонголоо.

 
Төрийн дээд одон медаль гардуулах ёслол боллоо
Бичсэн Admin   
2016 оны 7-р сарын 16, Бямба гариг, 01:12

Монгол улсын Ерөнхийлөгчийн зарлигаар Тулгар төрийн 2225, Их Монгол Улсын 810, Ардын хувьсгалын 95 жилийн ой, Үндэсний их баяр наадмаар төрийн дээд одон медаль гардуулах ёслол Ховд аймгийн ЗДТГ-ын хүндэтгэлтийн өргөөнд боллоо.

Шагнал гардуулах ёслолд аймгийн ИТХ-ын дарга Б.Баярсайхан, ЗДТГ-ын дарга Б.Батмөнх, Аймгийн ИТХ-ын зарим төлөөлөгч оролцож, боловсрол, эрүүл мэнд, спорт, улс төр, эдийн засаг, зам тээвэр, үйлдвэр үйлчилгээ, бизнесийн салбарт олон жил үр бүтээлтэй ажилласан хүмүүст төрийн дээд одон медаль гардууллаа.

 
« ЭхлэхӨмнөх12345678910ДараахиТөгсгөл »

Хуудас 148-с 1
Find us on Facebook
Follow Us